Witer nach Busan und Jeju isches nach Gyeongju. Dert bini mitem KTX Schnäuzug u Bus härä cho u 2 Nächt blibä. Diä 2 Täg hei ou gäbig glängt zum aues a’zluegä, wöus nid wahnsinnig gross isch umä zmeischtä z’Fuess cha zrügglegä.
Villech öppä 2-3 Stung nachdämi bi acho simer vomnä ärdbäbä überrascht wordä. Auso besser gseit 2 u di ganz Nacht dürä Nachbäbä. Schinbar sig’s z’sterchschtä Bäbä sit Ufzeichnigä in Südkorea gsi u für aui extrem überraschend cho. Mir isches auso ou sehr unwouh gsi, wöui das nuniä äso erläbt ka ha. Im Nachhinein muessi sägä isches ganz ä tolli Erfahrig. 🙂
Näbsdäm, dass Spieglä, Biuder u süschtigs Zügs vo dä Wäng si abä cho, hetmä am nächschtä Tag ou duss überau chli kaputti Sachä gseh.
Bulguksa Tämpu
Am nächschtä Tag het de z’meischtä Zügs gägä Mittag umä ufgmacht u äs isch ä wunderschönä Tag gsi zum ga Sachä a’zluegä.
Seokguram Grotto
Das gseht äso nid auzu spektakulär us.. Drinin i däm Hus geit’s diräkt inä i dä chli Hügu womä hinger dran gseht (diä ufänander bigetä Steinä mitem Grass obä druff). U äs het ou diversi Statueänä u Buddhas drinin. Hiä si aber kenni Fotos erloubt gsi, i däm Fiumli chames bitzli besser gseh.
Ancient Tombs
Diä Tombs si überau in Gyeongju verteilt u gseh nu witzig us. Wemä z’Bärn ufd Aumänd geit chamä aber o fasch z’glichä gseh 😉
Viu meh aus ä simplä Grashügu isches ou widr nid:
Cheomseongdae Observatory
Hanok Village
Woljeonggyo Brügg
Donggung Palace und Wolji Pond
Yangdong Village
Das isch es Stück entfärnt vo Gyeongju u duret mitem Bus villech öppä ä knappi Stung zum härä cho. I has extrem schön gfungä u im Verglich zum Hanok Village in Gyeongju (Biuder witer obä) viu schöner, wöus viu eutäri Hüser si u z’ganzä Dorf einiges grösser isch.
